I 2026 går startskotet for aller første utgåve av Sytalaust by Koie – ein heilt ny festival på Stranda. Med naturen som nærmaste nabo vil vi samle folk til ei helg full av musikk, fellesskap og gode opplevingar.

Idéen bak festivalen spring ut fra ønsket om å skape noko nytt for både lokalbefolkninga og tilreisande – ein møteplass der kultur, natur og musikk går hand i hand.

Allereie første året vil vi presentere eit variert program med både større og mindre artistar, og ambisjonen er å byggje ein festival som vil vekse og leve vidare i mange år framover.

Sytalaust blir til gjennom samarbeid mellom frivillige, næringsliv og eldsjeler i området – og utan dette engasjementet hadde ikkje festivalen vore mogleg.