BLI FRIVILLIG PÅ SYTALAUST
Saman skapar vi festivalmagi
Sytalaust er ein ny festival med ambisjonar, og vi treng deg med på laget. Som frivillig får du vere ein del av reisa, bli kjent med andre, og oppleve festivalen fra innsida.
Kva kan du forvente som frivillig?
Eit fantastisk fellesskap, nye vennskap og ei helg for minneboka
Gratis festivalpass (minumum 3 vakter)
T-skjorte og jakke/genser
Du får vere med å bygge opp Sytalaust fra starten
Vi ønsker deg som…
Er positiv og imøtekommande
Møter presis til vaktene dine
Er lærevillig og samarbeider bra med andre
Tar ansvar for rolla du får
Er edru på vakt
Finn di rolle og bli med på laget!
-
Du er det første folk møter! Her skannar du billettar, deler ut armbånd og ønskjer publikum velkommen. Du hjelper folk å finne rett plass, svarar på spørsmål og handterer «lost & found».
Passar for deg som: trivst med folk, er ryddig, presis og smilande – også når det er mykje folk.
-
Dette er dei som får ting til å skje - set opp gjerder, bær utstyr, køyrer, heng opp lys og tek ned alt etterpå.
Passar for deg som: likar å ta i eit tak, vere praktisk og trivst med fysisk arbeid – også utover kvelden.
-
Bak baren er det høgt tempo og mykje latter! Du serverer drikke med smil og kontroll, held orden og bidreg til god stemning.
Passar for deg som: er effektiv, serviceinnstilt og likar folk.
Aldersgrense: 18 år.
-
Du held festivalområdet reint, ryddig og triveleg, og er eit ekstra auge for tryggleik. Du hjelper publikum og ser til at alle har det bra.
Passar for deg som: likar struktur, tek ansvar og trivst med folk.
Aldersgrense: 18 år.
-
Her lagar og serverer du mat til frivillige, crew og artistar. Det handlar om trivsel, energi og gode måltid.
Passar for deg som: trivst i matmiljø, er ryddig og likar å skape god stemning.
-
Du sørgjer for at artistane får det dei treng – alt frå mat til transport og trivsel. Du er limet mellom scene og backstage.
Passar for deg som: er omgjengeleg, løysingsorientert og profesjonell.
Aldersgrense: 18 år.
-
Du hjelper sceneteamet med å flytte utstyr, rigge til lydprøver og klargjere før og etter konsertar.
Passar for deg som: er praktisk, effektiv og likar å jobbe tett på musikk.
-
Her fangar du stemninga – med kamera eller mobil! Du tek bilete, video og små glimt frå scena og området, og hjelper til med innhald til sosiale medium.
Passar for deg som: har auge for motiv og stemning, likar kreativt arbeid og kjenner TikTok / Instagram.
-
Du deler ut armbånd og pass til artistar, crew og frivillige, og held styr på listene.
Passar for deg som: er strukturert, nøyaktig og trivst med å ha oversikt.
-
Du passar på at alle frivillige har det bra! Deler ut vatn, snacks, kaffi og smil – og spreier god stemning overalt.
Passar for deg som: er positiv, varm og likar å glede andre.
-
Du hjelper der det trengst mest – frå å hente utstyr til å steppe inn på ulike område. Du sørgjer for at alt flyt.
Passar for deg som: likar å ta initiativ, er løysingsorientert og trivst med variasjon.
Meld deg på til Sytalaust 2026
Er du klar for å bli ein del av Sytalaust-gjengen og vere med å skape den aller første festivalhelga på Stranda?
Påmeldinga for 2026 er open, og vi gler oss til å ha deg med på laget!